ATXILOKETAK

Espainiako Poliziaren arabera, Ibai Aginaga Guinea eta Joseba Segurola Beobide dira Berriozarren atxilotutakoak

Ibai Aginaga Guinea eta Joseba Segurola Beobide dira Espainiako Poliziak gaur goizean Berriozarren (Nafarroa) atxilotu dituen bi lagunak. Poliziako iturrien arabera, 23na urte dituzte gazte biek, eta ihes eginda zeuden.Halaber, batak zein besteak kale erasoengatik aurrekariak zituztela zabaldu dute. Agel Acebes Espainiako Barne ministroaren arabera, 150 kilo lehergai atzeman dizkiete eta Nafarroa komandoaren "muina" dira bi lagunak. [Jarraitu]

EUSKAL KOMUNIKABIDEEN AURKAKO ERASOAK
Abiatu da 'Egunkaria'-ko eta 'Egin'-eko langile ohien auto karabana

Hamaikak eta laurden pasatxo zirela abiatu da Andoaingo Martin Ugalde kultur parketik, hau da, 'Egunkaria'-ren egoitza dagoen tokitik, euskal komunikabideen aurkako erasoak salatzeko asmoz 'Egin'-eko zein 'Egunkaria'-k langile zirenek antolatu duten auto karabana. 70en bat ibilgailu atera dira iladan, adierazpen askatasunaren aldeko txartelak erantsita zituztela. Hernaniko Eziago poligonora bitarteko bidea egingo dute, hau da, 'Egin'-en egoitza atarirainokoa. Izan ere, gaur betetzen dira bost urte 'Egin' eta Egin Irratia itxi zituztela.[Jarraitu]

'EGUNKARIA'-REN ITXIERA
'Egunkaria'-ko lege ordezkariak Espainiako Auzitegi Nazionalean dira, sei hilabeteko itxiera epea amaitzen denean ireki dezaten eskatzeko

Abuztuaren 10ean amaitzen da Juan del Olmo Espainiako Auzitegi Nazionaleko epaileak 'Egunkaria'-ri ezarri zion sei hilabeteko itxiera epea. Luzatu edo ez erabakitzeko bista gaur goizeko 10:30etan zen egitekoa, eta 'Egunkaria'-ren ordezkari legalek irekiera defenditu behar zuten. Ordu horretan, ordea, ez da bista hasi, Del Olmo epaileak Enekoitz Etxeberria ordezkari legala, Juan Mari Torrealdai 'Egunkaria'-ko Adminsitrazio Kontseiluko lehendakaria eta Txema Auzmendi idazkaria deitu baititu errekerimendu bat egiteko. Azken biak, auzipetuta daude.[Jarraitu]

ELA
Egungo markoa aldatzeko, alderdi politiko eta gizarte eragileen hitzarmen baten alde egin du Joxe Elorrietak

Euskal Herriko gatazka gainditzen hasteko eta egungo markoa aldatzeko, alderdi politiko zein gizarte eragileen artean "eztabaida zibil eta demokratikoa" abiatu behar dela adierazi du gaur Joxe Elorrieta ELA sindikatuko idazkari nagusiak Radio Euskadin egin dioten elkarrizketan. Halaber, Euskal Herriko patronala kritikatu du.[Jarraitu]